КИЖИ БҮРҮЗҮНҮҢ АВАЗЫНДАН ЧЕМНЕНИП БОДАРАП КЕЛГЕН ХИННИ. ( ПУЧОК).
Хиннивисти үс-биле чаап алырывыска, мага-ботка чүү экижип, өскерлип турарыл?
Кижи бүрүзү иезинден бодарап төрүттүнерде чаяалгадан бүткен, чемненип бодараан, авазындан күш ап чораан дазыл-дамыр хинни бар. Ие иштинге тыптып кээп, чаңгыс-ла боодалдан эгезин ап, херээжен кижиниң уруг-савазынның борбактарынга чаңгыс-ла төп точкадан хин тыртыжып төл бодарап эгелээр.. Ол аңаа ие кижиниң хинни-биле чаш төлдүң хинни тудуш, өзүмнерни чемгерер тускай удазын апаргаш авазының чиген чеминиң эң-не хоолулуг бүдүмелдери-биле чемненир, "чуртталганың оруу" — хинни болур. Чаш төл боттанып турар бобактарны "уруг сыртыы" деп хүндүлеп адаар. Уруг төрүттүнерге, ол база " чаларап" келир. Ынчаар-ла хин дузазы-биле кижи тос ай иштинде боттанып, өзүп алгаш чырык черге төк дээш төрүттүнүп келир.
Хинниң ажык-дузазы улуг. Улгадып-даа кээрге, кижиниң бүгү хан аргыжар системазының кол төвү ол болур. Хан эргилдирип турар улуг дамырларывыс хиннивис-биле харылзаалыг, мага-ботта кол төп болур. Хин —"чуртталга боду-дур"
Хинде тудуш чоруур мага-бодувустуң 72 000 дамырлары бар.
Хинниң дузазы-биле үстерни чаап эмненири:
1. Карактарның көөрү баскырап, ооң кургап турар дамырларын эмнээринге
2. Хырын адаанда бестерниң эки ажылдаарынга
3. Буттуң ээжектери болгаш эриннер кестип, чарлыр байдалдарда
4. Хинге үстү чаап ап чоруурга арын чайынналып көстүр болур
5. Хинге үстү чаап ап чоруурга, баштың дүгү база чараш болур.
6. Дөңмектер аарыын эттиндирер
7. Шыырныгып, көжүй бээр байдалдарга эки, чүстерге болгаш кургаг кеш эмнээринге эки болур.
Эмненир чуруму:
1. Карак дамырлары кургап турар, көөрү баскыраан, буттар баскыраан байдалдарда болгаш чаъжы болгаш арын шырайы чараш болзун дээш эмненири:
Кежээки үеде, удуур мурнунда 3
дамды КОКОС үзүн ХИНЧЕ дамдыладып алыр. Хинден 2 см хире черге аяар нугуур.
2. Дискектерниң чүстери аарып турар болза, база шак-ла ынчаар эмненир болгаш чүгле " КАСТОРОВОЕ" деп үстү ажыглаар.
3. Чүстер кызырадыр дагжаар, кырый берген чүстерге, ооң аарыырын чидирерде, кургаг кешти эмнээрде:
Кежээ удуур бердинде "ГОЧИЧНЫЙ" деп үстү-биле база-ла ынчаар эмненир.
Чүге хинни үс-биле чаарыл?
( зачем смазывать пупок маслом)
Чүге дээрге, кандыг дамырлар кургап, багай ажылдап турарын хинде дамырлар боттары тып эккээр. Ынчангаш, кажан силер үстү немеп берип туруңарда ол үстү аарып турар чериңерге чедирер болгаш, кургаан дамырны катап эдип-чазап бээр.
Бичии чаштарның ишти аарып турар болза, анаа үстү ижинге чаггаш массаж кылып бээр болгай бис. Ол чүүл оон-даа дүрген түңнелдиг болзун дээр болза, дорт-ла хининге элээн каш дамды үстен дамдыладыпкаш, хинни долгандыр аяар массажтап бээр болзувусса, каш-ла минута болгаш аарыыры чиде бээр. Кандыг-даа хора чок болур.
Удуур оруннуң чанынга, тускай дамдыладыр херекселдиг саваны үс-биле иштеп салып алгаш, кежээниң-не шын чижекке дамдыладып алгаш, аяар нугуп ап турар болза, кончуг эки болур.
Бичии чаштарның эъди изээн байдалда спирттиг хөвеңни база ажыглай бээр болгай бис. Ам бо хин дузазы-биле кылыр аргаларны билип ап, үстү хинге дамдыладыпкаш аяар нугуп бээри, оон-даа эки болур.
Чижек: 62 харлыг эр кижиниң солагай талакы карааның көөрү багай. Ынчалза-даа офтальматологтар ооң караан шинчип көргеш, анаа-дыр дээннер. Ындыг-даа болза, чаңгыс-ла айыылдыг байдалдың билдинип келгени, карактың хан эргилдирип берип турар дамырлары кургап турар болган.
Ынчангаш, ол кырганның карааның көөрү баскыраан. Ол боду мону билип ап, кокостуг үс-биле эмненген..
Материалды очулдуруп бижээн, " Амыдыралчы көрүш" бөлүүнүң бижикчизи:
Ая Успун. Февраль, 2021 чыл.